𝗩𝗶𝗮 𝗝𝗲𝘃𝗶𝗻 𝗔𝗹𝗳𝗿𝗲𝗱 𝗙𝗼𝗹𝗹𝗮𝗻𝘁𝗲
Walong pambato ng Pilipinas ang nakatakdang sumabak sa 8th Lion City Cup, ang pinakamalaking lawn bowls tournament sa Singapore, na gaganapin mula Hulyo 6 hanggang 12 sa Kallang Lawn Bowls Green at Tanglin Club Sports Center.
Binubuo ng mga beterano at bata, aarangkada para sa Pilipinas sina Ainie Knight at Marisa Baronda-Johnson (women’s pairs), Elmer Abatayo at Ronald Lising (men’s pairs), James Christian Andia at Angelito Barro II (U25 boys pairs), at Angeleca Abatayo at Andrea Abatayo (U25 girls pairs).
Ikinatuwa naman ng Philippine Lawn Bowls community ang muling pagsabak ng bansa sa prestihiyosong torneo kung saan ilang beses nang nakapag-uwi ng medalya ang Pilipinas, kabilang ang podium finishes ng duo nina Baronda at Rosita Bradborn sa mga nakaraang edisyon.
“It’s going to be a tough competition with Australia, New Zealand, Malaysia, Hong Kong, Thailand, and India, these are powerhouse countries,” ani Ronalyn Greenlees, team manager at Level 2 international coach.
“Even host Singapore has improved a lot. Of course, the Philippines is also strong. So we just continue training. Like what they say, the ball is round,” dagdag pa ni Greenlees, na dati ring multi-medalist sa international lawn bowls competitions.
Ang torneo ay kinikilala ng World Bowls at may kalakip na world ranking points para sa mga mananalo, dahilan kung bakit inaasahang magiging mahigpit ang labanan sa bawat event.
.png)